Te Whakahaere Rōpū Pānui, Tau 6

[Ngā ākonga]

Te whakahaere rōpū pānui

[Kaiako] 

Ko te whāinga matua te whakarite i a rātou mō te wharekura, te kura tuarua rānei. Nā reira, ko te mea nui he whakapakari, me te whakawhanake ngā reo pānui, kia tino mōhio hoki rātou, kia tino waia pea ki ngā tohu pānui – koia rā te mea nui – kia puta mai tō rātou reo, te rere, te rongo, te tangi rānei o tō rātou reo pānui.

[Kaiako ki ngā tamariki]

Tēnā mōrena koutou, Tau 6. Tēnā, i tēnei ata ka titiro atu tātou ki te mahi pānui. Nā reira, tuatahi kua noho koutou ko ngā rōpū pānui. Ko te rōpū Pūkeko, Kererū, Ruru. Nā reira, anei ā koutou mahi. Tuatahi, ko te rōpū Pūkeko, kei te aro atu koutou ki te puka Tīhei Mauri Ora, arā, ko te rōpū Ruru, ko koutou tērā te kēmu hikohiko, me te rōpū tuatoru, Kia Haumaru. 

Ka pai, mēnā kua kite koutou i ēnei, arā, ā koutou mahi mō te rangi. Nō reira, ko wai o koutou kei te haramai ki te kaiako i te tuatahi? Ka pai, kia ora koutou. 

Te rōpū Ruru, he aha ā koutou mahi i te tuatahi? Ko te …. ka pai. He tokorua nē, ka whakamahi i te papahiko. Ā, ko te tuatoru, te rōpū Kererū he aha ā koutou mahi? Ka pai he rorohiko, engari kei te tuhi koutou i te . . . rotarota. Ka pai koutou. 

Tēnā, Te Ata me pānui koe i tēnei whāinga. 

E ako ana ahau ki te pānui āta whai i ngā tohu pānui. Ka pai. 

He aha ngā tohu pānui koutou?

He aha ngā tohu pānui?

Tohutō

Irakati

Pū matua

Tohu ohorere, tohu kōrero, ērā momo mea katoa. 

Nā reira, i a koutou e pānui ana, kei te aro atu ki ērā tohu pānui. Ka pai.

Ka pai, nā reira, ko wai te kaitiaki o ia rōpū, ka haere mai koutou ki te tiki i ngā pukapuka. Koutou e tatari ana, tangohia ngā puka pānui, me ā koutou taputapu. Nā reira, i mua i te pānui, i te aha rānei, he aha te mahi tuatahi? 

[Ngā ākonga]

Rātaka, taitara, kaituhi me te kaitā pikitia. 

[Kaiako]

Ka pai koutou. Tēnā, tīmata. 

Nā reira, ka whai ngā tamariki i tētahi papamahi. Mō ia rōpū ka whakarite au e rua ngā momo mahi. Ko ngā momo mahi, ka taea te whakawhiti hoki. Ko te kaiako, ko te mahi ngohe, he kēmu, ko te whakamahi i te papahiko, ko te whakamahi i te rorohiko hoki. Nā reira, i te wā whakaako tamariki, ka kōrero rānei au ki tētahi rōpū – e tika ana ko ērā atu rōpū kei te whai i te papamahi.

[Ākonga 1]

Kei te … kimi kupu ki roto i te puka, kātahi ka tuhi ki roto i tēnei me te hanga kimi kupu. 

[Ākonga 2]

I te tuatahi kei te pānui i tēnei pukapuka. Tuarua, kei te tuhi rotarota e pā ana ki te haumaru, kia haumaru. 

[Ākonga 3]

Kei te ako mātou ki ngā kupu pērā ki te tūmahi, tūingoa, tūāhua.. Me ka raua koe ngā kupu e tika ana – pērā ki te ‘kōrero’ ki te tūmahi, me ngā mea e tika ana ki ngā pouaka e toru.

[Kaiako]

Kāore i tua atu i te pukapuka Te Reo Matatini, Te Whanaketanga Reo me tō tātou nei reo, paipera tapu Te Marautanga, Te Reo. Ko te painga o ngā pukapuka, kei reira hei rauemi, nā reira ka tika me whakamahi, kia kore e noho noa. Engari, ko tāku he tirohanga whāiti ki ngā pukapuka ki te tīpako i ngā ariā matua, ki te tīpako i ngā kōrero akiaki i a au ki te kawe i tēnei kaupapa. 

Ko tāku he aro atu ki ngā, ki tō rātou kaingākau ki te pānui, ki tō rātou mārama hoki ki te pānui.

[Kaiako ki ngā tamariki]

Ka pai tēnā koutou te rōpū Kererū. Tuatahi ka tiro atu ki te taitara – he aha te tikanga o te kupu ‘haumaru’?

Ka pai, ngā mea wera, mōrearea. Koia rā te kupu nui nē, ko te kupu mōrearea.

[Kaiako 2]

Te whai i ngā tohu pānui, te rere o tō rātou reo, me ō rātou pūkenga hoki. 

[Kaiako ki ngā tamariki]

He kōrero aha? Whaka … he kōrero whaka…tūpato. Nā reira, āe, kia haumaru, kia tika, kia tau...