Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kāinga whakaterenga

Tirohia mā te reo: Māori | Ingarihi

Ngā hononga whai pānga

Ko ngā tikanga whakatiki manatārua te take ka kitea mai tēnei pukapuka takahuri i roto o Aotearoa anake. Mō ētahi atu kōrero whakapā mai ki mataurangamaori@tki.org.nz

Pāngarau

Kei konei ngā whakamārama mō ngā rauemi tuihono, putanga ā-tā hoki hei tautoko i ngā kaiako. Ko ētahi o ngā rauemi e hāngai ana ki te tauaki marautanga ō mua, arā, ko Pāngarau i Roto i te Marautanga o Aotearoa. Ka honoa ngā taitara o ngā rauemi tuihono ki ngā paetukutuku whai pānga.

Hei tono i ngā rauemi ā-tā pērā me ngā pukapuka, ngā kōpae whakarongo, me ngā kōpae ataata, haere ki te paetukutuku Down the Back of the Chair.

Ngā rauemi tuihono

Tihei Pāngarau: Te Ahumoni, Taumata 4, e-ako 1

Ko te akoranga matihiko tuatahi tēnei o roto i tētahi kohinga e aro ana ki te Mātau Ahumoni. E noho mai ana tēnei kohinga hei peka o ngā rauemi ako o Tihei Pāngarau. He akoranga pāhekoheko. E hāngai ana ki te Taumata Tuawhā o te marautanga, ā, ko ōna kaupapa:

  • ko ngā tino āhuatanga e ora ai te tangata me tōna whānau, arā ko ngā tino hiahia;
  • ko ngā manako e pai ake ai te noho a te tangata me tōna whānau;
  • ko te wāhi ki te moni e whiwhi ai te tangata me tōna whānau i ō rātou tino hiahia, manako anō hoki;
  • ko ngā ara e whiwhi moni ai te tangata me tōna whānau;
  • ko ngā kōwhiringa ahumoni a te tangata me tōna whānau.

Ko ngā ariā o te Mātau Ahumoni ka pā ki te pāngarau me te tikanga ā-iwi, waihoki ka whakakākahutia ki te whakataukī me te pakiwaitara.

Kei runga te akoranga matihiko nei i te pae ipurangi o nzmaths, ā, e wātea ana ki te katoa: https://nzmaths.co.nz/ahumoni

Me he whakaaro ōu, he whakahokinga kōrero mō tēnei rauemi, tukuna mai ki: ian@kupengahao.co.nz

Te Papa ā-Rau

Kei tēnei rauemi pāhekoheko ētahi ngohe e hāngai ana ki ngā whāinga paetae o te taumata 1 me te taumata 2 o Te Marautanga o Aotearoa: Pāngarau i raro i te whenu Te Tau me te Taurangi. Ka taea te whakamahi i te papa ā-rau ki ngā tini pūrere matihiko.

Te Reo Pāngarau

He papakupu pāngarau.

Ngā Rauemi Reo Māori o nzmaths

Mā tēnei whārangi e uru ai koutou ki ngā kōwae ako, ki ngā rauemi o Te Poutama Tau, ki ētahi atu kaupapa pāngarau kua tuhia ki te reo Māori. 

He Tauaromahi Pāngarau

Koinei te whārangi kāinga mō ngā tauaromahi pāngarau. Ko te tauaromahi pāngarau, he tauira tūturu o te mahi ā te ākonga e whakamārama ana i te ako, te whakatutukitanga me te kounga ki ngā taumata 1 ki te 5 o Pāngarau i roto i te Marautanga o Aotearoa.

Ngā Whanaketanga Rumaki Māori

He mea waihanga e ngā kaiārahi mō te reo me te pāngarau. Ko tā Ngā Whanaketanga Rumaki Māori, he whakaahua i ngā pūkenga me ngā mātauranga me mātua mau i ngā ākonga – taha kōrero, taha pānui, taha tuhituhi, taha pāngarau - i ngā wāhanga ako katoa o Te Marautanga o Aotearoa, i ō rātou wā anō o ngā tau 1 ki te 8 i te kura.

Hei Tautoko i te Marautanga Pāngarau

Ko tā te rauemi nei, he āta whakaatu i te whānuitanga o ngā kaupapa me ngā whāinga paetae o te marautanga pāngarau o Aotearoa. Ka aro ki ngā taumata 1 ki te 5 o te marautanga.

Ngā rauemi ā-tā

He Pūtahi Pāngarau: He Marautanga Tau: Taumata 1-2

He Pūtahi Pāngarau: He Marautanga Tau: Taumata 1-2

Kei tēnei pouaka huinga rauemi ā-ākonga ētahi rauemi tautoko ā-kaiako e kīia nei "Mā te Pouako", arā, ētahi ngohe ā-raupapa me ngā whakawhitinga whakaaro haere tahi; he pukapuka o ngā tāruatanga matua; he kāri taputapu mā ngā ākonga; he kōpae ā-mati CD. Mō ētahi atu kōrero e pā ana ki tēnei rauemi, tirohia te paetukutuku  He Kohinga Rauemi ā-Ipurangi.

Pīpī Pāngarau 1

Pīpī Pāngarau 1

E whakanui ana tēnei i te tau 1, ā, e kōrero ana i tētahi pūrākau ki ngā kupu ngāwari, ki ngā rerenga poto. E pā ana hoki ki ngā tūmahi me ngā ritenga e mōhio ana te hunga tamariki. He pūrākau tēnei mō te hī ika. Mō ētahi atu kōrero e pā ana ki tēnei rauemi, tirohia te paetukutuku He Kohinga Rauemi ā-Ipurangi.

Te Reo Pāngarau: Putanga Tuarua

Te Reo Pāngarau: Putanga Tuarua

He papakupu pāngarau e hāngai ana ki ngā taumata 1 ki te 5 o Te Marautanga o Aotearoa: Pāngarau. Ka whai wāhi atu ko ngā rārangitanga kupu Māori, kupu Ingarihi hoki, ngā whakamārama me ngā whakaahua e hāngai ana. Mō ētahi atu kōrero e pā ana ki tēnei rauemi, tirohia te paetukutuku He Kohinga Rauemi ā-Ipurangi

Whakawhitiwhitinga rauemi kaiako

Mā konei e taea ai e koe te takoha rauemi mō pāngarau pērā me ngā mahere ako, ngā kowae ako, ngā ngohe, me ngā tūmahi aromatawai kua waihangaia e koe, te whakamahi rānei i ngā rauemi a kaiako kē mā te akomanga. 

Hoki ake ki runga



Footer: