Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kāinga whakaterenga

Tirohia mā te reo: Māori | Ingarihi

Ngā hononga whai pānga

Ko ngā tikanga whakatiki manatārua te take ka kitea mai tēnei pukapuka takahuri i roto o Aotearoa anake. Mō ētahi atu kōrero whakapā mai ki mataurangamaori@tki.org.nz

Pūtaiao

Kei konei ngā whakamārama mō ngā rauemi tuihono, putanga ā-tā hoki hei tautoko i ngā kaiako. E hāngai ana ētahi o ngā rauemi ki te tauaki marautanga o mua, arā, ko te Pūtaiao i Roto i te Marautanga o Aotearoa. Ka honoa ngā taitara o ngā rauemi tuihono ki ngā paetukutuku whai pānga.

Hei tono i ngā rauemi ā-tā pērā me ngā pukapuka, ngā kōpae whakarongo, me ngā kōpae ataata, haere ki te paetukutuku Down the Back of the Chair.

Ngā rauemi tuihono

Ākona te Tau: Hine Raumati

Ko te kaupapa whānui o ēnei kōwae ako e whā ko Hine Raumati. E aro ana tēnā kōwae me tēnā kōwae ki tētahi o ngā taumata (1 ki te 4) o Te Marautanga o Aotearoa. Kua tuhia ngā kōwae ako ki tō te Māori titiro, he ako ā-kaupapa te āhuatanga, ka whakawhiti hoki i te maha o ngā wāhanga ako. Heoi anō, ahakoa e whakawhiti ana ngā ngohe nei i ngā wāhanga ako, kua kōwhiria kia ākina te reo ā-waha i roto i te akomanga – e rua, e rua ko te reo ōpaki me te reo ōkawa. 

Hei arataki i te pouako: He kōrero whakamārama, he ngohe mō ngā i-puka

Hei arataki i te pouako: He kōrero whakamārama, he ngohe mō ngā i-puka

Kua waihangatia ēnei rauemi ako hei ārahi i te pouako ki te whakauru i ngā i-puka e toru nei ki roto i te hōtaka ako reo me te hōtaka ako pūtaiao.

  • Tīeke: Tau 2–3, Taumata 1–2.
  • Mokomoko: Tau 3–4, Taumata 2–3.
  • He wai te kai!: Tau 5–6, Taumata 3–4.

Kei Google Play me te Apple Appstore ngā i-puka hei whakuru ki ngā taputapu hangarau. Kei raro ngā aratohu mā te pouako.

Hei arataki i te pouako: He kōrero whakamārama, he ngohe mō ngā i-puka (PDF, 2 MB)

Kei te mōhio anō koe?

E hāngai ana tēnei paetukutuku ki ngā taumata 1–4 me ngā whenu katoa o Te Marautanga o Aotearoa: Pūtaiao. Mā konei e kite ai ngā mōhiohio, ngā ngohe, ngā ataata, ngā whakaahua, e pā ana ki ngā kaupapa e ono, arā, ko te harakeke, ngā waka, te hiko, ngā tautake, te rauropi, me ngā waikano.

Kura Taiao

E aro atu ana tēnei paetukutuku hou ki te oranga tonutanga o te taiao o roto i ētahi kura reo Māori me ngā hapori. E whai whai atu ana ngā kura nei ki te kaupapa Enviroschools. Kei te paetukutuku nei ētahi ataata e hāngai ana ki ngā kaupapa  ake o ia kura e whā. Kei reira hoki ētahi aratohu mā ngā pouako.

Papakupu Pūtaiao

He whakaputanga tuihono tēnei o te pukapuka kupu pūtaiao e kīia nei ko Te Reo Pūtaiao. Kei tēnei paetukutuku he rārangi kupu, ngā whakamārama kupu, he rārangi kupu motuhake o ngā pūmotu matua, ngā katote, ngā pūhui katote, ngā wehewehenga pūtaiao, me ngā taputapu pūtaiao hoki. Ko ngā whakairoiro me te reo ā-taringa hei kīnaki mō ngā kupu, ā, mā ēnei e tautoko i ngā whakamāramatanga me te whakahuatanga o ngā kupu.

Pūtaiao Online

He whakahoutanga tēnei o te paetukutuku ō mua o te ingoa ōrite. E aro atu ana tēnei paetukutuku ki ngā whenu e toru o Te Marautangao Aotearoa: Pūtaiao. Mā konei e kite ai i ngā rauemi ako, tohutoro hoki, me ētahi hononga ki paetukutuku kē e hāngai ana. Anō rā ko te Papakupu Pūtaiao kei roto. Koinei te whakaputanga tuihono o te pukapuka e kīia nei ko Te Reo Pūtaiao e hāngai ana ki ngā taumata 1–5 o te marautanga.

Te Tau 11 Pūtaiao – Science Year 11 Pathfinder Series

He whakaputanga tuihono tēnei o te whakamāoritanga o te Science Year 11 Pathfinder Series. I hangaia Te Tau 11 Pūtaiao ki te tautoko i te ako, me te whakahounga hoki i ngā ariā, i ngā tukanga, me ngā pūkenga pūtaiao mō te wāhanga pūtaiao o te marautanga. I āta hangaia tēnei kia mārama ai ngā ākonga, ā, kia mahara ai hoki ki ngā whakaaro pūtaiao, ngā meka, ngā ture, me ngā pūkenga.

He Tauaromahi Pūtaiao

Koinei te whārangi kāinga mō ngā tauaromahi pūtaiao. Ko te tauaromahi pūtaiao, he tauira tūturu o te mahi ā te ākonga e whakamārama ana i te ako, te whakatutukitanga me te kounga e hāngai atu ana ki pūtaiao mō ngā taumata 1 ki te 5, o te tauaki a Pūtaiao i roto i te Marautanga o Aotearoa. Kei roto ngā pitopito kōrero mā ngā pouako, me tētahi māherehere e whakahāngai atu ana ki ngā paenga kauneke.

Te Reo Māori Physics Project

Tirohia ngā ataata reo Māori i ēnei rauemi mātātini pāpāho mō te whakaako i ngā mahi ahupūngao kei ngā taumata NCEA. He wāhanga tēnei o te New Zealand Teachers' Physics Resource Bank, ā, kei ia rauemi ngā tūmahi mō te akomanga, ngā hononga ki NCEA, me ngā take e pā ana ki tēnei kaupapa. I hangaia ngā rauemi nei e Te Whare Wānanga o te Upoko o te Ika a Māui, e Te Kura Māori o Porirua me Te Kura Kaupapa Māori o te Ara Whānui.

He aha tēnei pepeke

He whārangi nō te paetukutuku Manaaki Whenua Land Research. Ko tēnei wāhanga e pā ana ki ngā pepeke hātaretare i Aotearoa. He whakaahua, he mōhiohio hoki ā te whārangi nei. Kei roto he ngārara whai waewae, waewae-kore hoki, ngā putoko, ngā ngata, ngā tūātipu neke-kore, me ētahi hononga ki mōhiohio kē, e hāngai ana ki te kaupapa.

Me mahi hāngī tātau

He tauwhitiwhiti reo rua tēnei kua whakahoahoatia mā ngā ākonga kia ako ai me pēhea te mahi hāngī. Kua hangaia tēnei ngohe mō te paetukutuku wickED.

Ngā rauemi ā-tā

Te Reo Pūtaiao: A Māori Language Dictionary of Science

He papakupu pūtaiao tēnei e hāngai ana ki ngā taumata 1–5 o te marautanga pūtaiao. Kei tēnei pukapuka he rārangi kupu Māori ki te Ingarihi, he rārangi kupu Ingarihi ki te Māori hoki, ngā whakamārama kupu me ētahi whakaahua. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi rānei, tirohia te takotoranga tuihono o tēnei pukapuka rānei.

He Kohinga Pānui Whakaahua: Te Reo Pūtaiao

Tekau mā rima ngā pānui whakaahua pūtaiao e hāngai ana ki te papakupu Te Reo Pūtaiao. Ko ngā kaupapa e whai ake nei: Te Kati Mahana; Tai Timu Tai Pari; Papatūānuku; Te Huringa Hauota; Te Huringa Waro; Te Huringa Wai; He Taputapu Pūtaiao 1; He Taputapu Pūtaiao 2; Te Taka Pūmotu; Te Pua; Te Pūnaha Toto; Te Pūnaha Nakunaku Kai; Te Pūnaha Uaua; Te Pūnaha Arahau; Te Pūnaha Kōiwi. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi

Whakawhitiwhitinga rauemi kaiako

Mā konei e taea ai e koe te takoha rauemi mō pūtaiao pērā me ngā mahere ako, ngā kowae ako, ngā ngohe, me ngā aromatawai kua waihangaia e koe, te whakamahi hoki i ngā rauemi a kaiako kē mā te akomanga. 

Hoki ake ki runga



Footer: