Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kāinga whakaterenga

Tirohia mā te reo: Māori | Ingarihi

Ngā hononga whai pānga

Ko ngā tikanga whakatiki manatārua te take ka kitea mai tēnei pukapuka takahuri i roto o Aotearoa anake. Mō ētahi atu kōrero whakapā mai ki mataurangamaori@tki.org.nz

Te reo Māori: Kura auraki

Ko ngā tikanga whakatiki manatārua te take ka kitea mai tēnei pukapuka takahuri i roto o Aotearoa anake. Mō ētahi atu kōrero whakapā mai ki mataurangamaori@tki.org.nz

Te Reo Māori

Kei konei ngā whakamārama mō ngā rauemi tuihono, putanga ā-tā hoki hei tautoko i ngā kaiako. Ko ētahi o ngā rauemi e hāngai ana ki te tauākī marautanga ō mua, arā, ko Te Reo Māori i Roto i te Marautanga o Aotearoa. Ka honoa ngā taitara o ngā rauemi tuihono ki ngā paetukutuku whai pānga.

Hei tono i ngā rauemi ā-tā pērā me ngā pukapuka, ngā kōpae whakarongo, me ngā kōpae ataata, haere ki te paetukutuku Down the Back of the Chair.

Ngā rauemi tuihono

Ākona te Tau: Hine Raumati

Ko te kaupapa whānui o ēnei kōwae ako e whā ko Hine Raumati. E aro ana tēnā kōwae me tēnā kōwae ki tētahi o ngā taumata (1 ki te 4) o Te Marautanga o Aotearoa. Kua tuhia ngā kōwae ako ki tō te Māori titiro, he ako ā-kaupapa te āhuatanga, ka whakawhiti hoki i te maha o ngā wāhanga ako. Heoi anō, ahakoa e whakawhiti ana ngā ngohe nei i ngā wāhanga ako, kua kōwhiria kia ākina te reo ā-waha i roto i te akomanga – e rua, e rua ko te reo ōpaki me te reo ōkawa. 

Pōtiki: He Aratohu mā te Pouako

Pōtiki: He Aratohu mā te Pouako

An analysis of the novel Pōtiki covering key aspects such as plot summaries, themes, characters, language, settings, writing styles, authors intent and key skills and knowledge outlined in the Te Reo Māori learning area of Te Marautanga o Aotearoa together with teaching and learning activities and assessment activities.

Pōtiki: He Aratohu mā te Pouako (PDF, 494 KB)

Te Reo ā-Waha: He Aratohu mā te Pouako

He rauemi matihiko tēnei e taea ai e te kaiako te whakapakari i te reo ā-waha o te ākonga mā ngā ngohe reo ā-waha me ngā ngohe whakarongo. Mā ngā ākonga kei ngā taumata 1–4 o Te Marautanga o Aotearoa me ngā whakaakoranga rūmaki reo Māori taumata 1–2 tēnei rauemi. E toru ngā kōwae ako mā ngā taumata e toru: Tau 1–3, Tau 4–6, me te Tau 7–8. E rima ngā ngohe mā ia taumata.

Rūaumoko - Te Reo Haruru

Rūaumoko - Te Reo Haruru - He pukapuka matihiko pāhekoheko mō te ako e takina ana e ētahi ākonga Māori e turi ana i Te Reo Turi reo Māori/Te Reo Turi o Aotearoa. Ka takina i konei te kōrero mō Rūaumoko, te Atua o te rū whenua, me te hāngai o tēnei atua ki ngā tāngata turi Māori. I whanakehia tēnei pukapuka matihiko hei rauemi ako i tētahi wānanga kitakita e rima rangi te roa me ngā kaihāpai o Te Tāhuhu o te Mātauranga, o Kelston Deaf Education Centre, o CORE Education Ltd, o KIWA Digital hoki. E taunakitia ana ngā kōrero me ngā kupu hauraro, ngā oro hoki i te reo Māori me te reo Pākehā.

Paekupu

Paekupu is a new website that will house all dictionaries that support the implementation of Te Marautanga o Aotearoa. The dictionaries will identify and provide detailed explanations of the technical language used within each learning area of the marau and provide examples of how the terminology can be used within a learning context.

Initially Paekupu will house two sections of the Ngā Toi dictionary currently under development however, it will be continually supplemented with further dictionaries so that Māori medium teachers and students will be able to start accessing specialist curriculum-based language from a single online portal. Toi Ataata (visual arts) and Toi Puoro (music) will go-live first, then Ngā Mahi ā te Rēhia (performing arts) will be added on its completion in June 2017. This will be followed by Te Reo Matatini (literacy) in December 2018. Pūtaiao (science) and Pāngarau (maths) will also be brought into Paekupu at a later date and other similar resources will be added as they are developed. 

Te Tautoko 76: Mā te Pouako

Te Tautoko 76: Mā te Pouako

Ko te whāinga o ngā aratohu nei he āwhina i ngā pouako ki roto i ngā kura rumaki reo Māori, ina whakamahi ana rātou i te pukapuka Te Tautoko 76. Kei te pukapuka nei ētahi rautaki pānui, whakaaro raupapa akoranga, me ngā taputapu ako mō te aroā pānui mēnā koia te whāinga matua o te ako.
Ko 'Te Tinana' te kaupapa o Te Tautoko 76. Ka āta tirohia ētahi pūnaha o te tinana, ā, ka ako hoki te ākonga, ka mahi ngātahi ngā pūnaha kia tika ai te haere o te tinana. 

Te Tautoko 76: Mā te Pouako (PDF, 18 MB)

Te Tautoko 75: Mā te Pouako

Te Tautoko 75: Mā te Pouako

Ko te whāinga o ngā aratohu nei he āwhina i ngā pouako ki roto i ngā kura rumaki reo Māori, ina whakamahi ana rātou i te pukapuka Te Tautoko 75.
Kei te pukapuka nei ētahi rautaki pānui, whakaaro raupapa akoranga, me ngā taputapu ako mō te aroā pānui mēnā koia te whāinga matua o te ako.
E rua ngā wāhanga ako ka arohia i roto i te Te Tautoko 75, ko Pūtaiao me Tikanga-ā-Iwi, ā, ko te te ohaoha me te pakihi ngā aronga.

Te Tautoko 75: Mā te Pouako (PDF, 23 MB)

Te Tautoko 74: Mā te Pouako

Te Tautoko 74: Mā te Pouako

Ko te whāinga o ngā aratohu nei he āwhina i ngā pouako ki roto i ngā kura rumaki reo Māori, ina whakamahi ana rātou i te pukapuka Te Tautoko 74 – Te Pī. Kei te pukapuka nei ētahi rautaki pānui, whakaaro raupapa akoranga, me ngā taputapu ako mō te aroā pānui mēnā koia te whāinga matua o te ako. E rua ngā wāhanga ako ka arohia i roto i te Te Tautoko 74 – Te Pī, ko Pūtaiao me Tikanga-ā-Iwi, ā, ko te pī me te pakihi ngā aronga.

Te Tautoko 74: Mā te Pouako (PDF, 5 MB)

Tama Kai Pukapuka

Tama Kai Pukapuka

Ko te whāinga o ngā aratohu nei he tautoko i ngā pouako ki roto i ngā kura rumaki reo Māori, ina whakamahi ana rātou i ngā pukapuka Whakamīharo Mai me He Māia, He Toa, He Tangata Noa. Kei te aratohu nei ētahi rautaki hei whāngai mā te pouako ki āna ākonga kia mōhio anō rātou ki te whakahaere i a rātou anō, arā, ki te ako i a rātou ki te ako. Ko te aronga nui o te aratohu nei ko te kaipānui horokukū, ā kei roto rā ētahi rautaki, taputapu hoki hei whakamahi mā te kaiako.

Tama Kai Pukapuka: Māori (PDF, 912 KB)

Tama Kai Pukapuka: English (PDF, 920 KB)

Pihi Ake, Tipu Ora: Mā te Pouako

Pihi Ake, Tipu Ora: Mā te Pouako

E hāngai ana tēnei rauemi kaiako ki ngā pukapuka kupukore e rua kua whakaputaina mō te huinga tuarua o Pihi. Koinei tā te rauemi nei he āwhina i ngā kaiako o ngā akomanga rumaki reo Māori ki te whakamahi i te kāhui pukapuka kupukore o Pihi kia rata mai te ākonga hei ako, ā, mā te whai hoki i Te Marautanga o Aotearoa, ka whakawhanake ake i ō rātou pūkenga o te reo matatini whānui.

Pihi Ake, Tipu Ora: Mā te Pouako (PDF, 15 MB)

Hine Takurua: Mā te pouako

Hine Takurua: Mā te pouako

Kei roto i te hautaka e waru ngā whakataukī whai whakaahua – e whā e pā ana ki te takurua me te whā e pā ana ki te kōanga. Kei ngā whakaahua ngā tīwhiri ataata e āta mārama ai te kaipānui ki te tikanga o tēnā, o tēnā.

Hine Takurua: Mā te pouako (PDF, 768 KB)

Hine Takurua: Mā te pouako - English (PDF, 769 KB)

Hine Takurua rāua ko Hine Raumati: Mā te pouako

Hine Takurua rāua ko Hine Raumati: Mā te pouako

He kōrero taketake a Hine Takurua rāua ko Hine Raumati. Kua roa tēnei momo kōrero paki, e whakaahua ana i tētahi āhuatanga māori, tītohunga rānei, e tukuna ā-waha ana i tētahi whakatipuranga ki tērā i whai ake. E whakaatu ana te reo o te pūrākau nei i tēnei tikanga kaha o te kōrero tuku iho. I tua atu i te whakamārama i te tītohunga māori, ko tā te pūrākau he whakatō tikanga tonu. He kōrero paki a Hine Takurua rāua ko Hine Raumati e whakamārama ana nō hea ngā kaupeka o te tau, o te takurua me te raumati. Ko Hine Takurua rāua ko Hine Raumati ngā atua o ngā kai. 

Hine Takurua rāua ko Hine Raumati: Mā te pouako (PDF, 15 MB)

Te Huinga Pukapuka o Koiri: Mā te Pouako

Te Huinga Pukapuka o Koiri: Mā te Pouako

I tuhia tēnei aratohu hei āwhina i ngā pouako kei roto i ngā akomanga reo Māori, ina whakamahi ana rātou i ngā pukapuka hou o roto i te huinga pukapuka o Koiri, arā, Te Rau me Weriweri. Ko tā te aratohu nei, he tautohu, he whakaraupapa hoki i ngā mahi ka taea e te pouako ngā pūkenga pānui o ngā ākonga te whakaako, te whakawhanake hoki. E tūhono ana ngā kōrero o roto nei ki Te Marautanga o Aotearoa; He Ara Ako i te Reo Matatini; me Ngā Whanaketanga Rumaki Māori.

Te Huinga Pukapuka o Koiri: Mā te Pouako (PDF, 1 MB)

Manu Korihi: He Tuhinga Mihi Mō te Pakanga Tuatahi o te Ao

Manu Korihi: He Tuhinga Mihi Mō te Pakanga Tuatahi o te Ao

Ko te whakaputanga tuatahi he kohinga o ngā tuhinga mihi e whakanui ana i te Rautau mai i te tīmatanga o te Pakanga Tuatahi o te Ao.

Katoa o ēnei tuhinga he mihi ki te hunga mate, ki te hunga e ora ana i taua wā rānei. He mihi, he whakamihi hoki te āhuatanga matua o ngā tuhinga nei, heoi, he tātorutanga, he huahuatau, he ui makihoi, he whakataukī rānei kei roto i tēnā tuhinga, i tēnā tuhinga.

Kua kohikohia ngā tuhinga mihi me te whakawehe ki ōna ake kaupapa.

Manu Korihi: He Tuhinga Mihi Mō te Pakanga Tuatahi o te Ao - Māori (PDF, 1 MB)

Manu Kōrihi: He Tuhinga mō te Pakanga Tuatahi o te Ao - English (PDF, 1 MB)

Te Arapū Māori

Ākona te Raupapa o Te Arapū Māori: Mā te kaiako

He rauemi tautoko kaiako tēnei mō “Ākona te Raupapa o Te Arapū Māori” (Arapū), arā he taupānga ako mā ngā tamariki e ako ana i te Taumata 1–2 o Te Marautanga o Aotearoa. He mea auaha te taupānga nei kia tūhura ngā tamariki i te raupapa arapū mā te raweke i ngā tānga kori, mā te whakarongo hoki ki te waiata “Te Arapū Māori”. Ko ngā whāinga matua o te taupānga ko te whakaū i te raupapa arapū me te whakamahi i te raupapa arapū hei huarahi ako i ngā pūkenga papakupu. Mā konei tiki e ake ai te taupānga:

Ākona te Raupapa o Te Arapū Māori: Mā te kaiako (PDF, 5 MB)

Puna

Puna

Ko PUNA tētahi taupānga e ārahina ana te tangata ki te whakakikī haere i tana puna kupu. Ka tuwhera te taupānga i ngā tatau ako i ngā kupu o te kainga, te kura, ngā momo kai, ngā kākahu, ngā wāhanga o te Tinana, te wā, te marae, ngā wāhi me ngā koiora hoki. Ko ēnei āhautanga kua whakaritea hei wero mō te tangata. Ko tana mahi kia whakutua ngā pātai, me te hiki i ngā tini wero kei te ia wāhanga mahi. Ko tōna tino, ko te wāhi kia hanga te tangata i tana ake kāwai. 
Koia a PUNA!

He mea kore-utu nei kei te wāhi hokohoko taupānga o iTunes me te Google Play Store.

Kura

Kura

Kua hangaia te taupānga KURA mō te tangata e hiahia ana ki te ako i ngā nuka me āhuatanga o te wete i te reo Māori. E rima ngā momo wāhanga ako ki te taupānga nei. Ko te āta ruruku i ngā takotoranga reo Māori tōna ito, tōna huarahi ako hoki.

He mea kore-utu nei kei te wāhi hokohoko taupānga o iTunes me te Google Play Store.

Te Reo Matatini

Hei tautoko ēnei ataata i te kaupapa o Te Reo Matatini me tōna whakahaeretanga i roto i ngā kura rumaki reo Māori. Hei whakatauira hoki ngā ataata i ētahi āhuatanga o Te Reo Matatini.

Hei arataki i te pouako: He kōrero whakamārama, he ngohe mō ngā i-puka

Hei arataki i te pouako: He kōrero whakamārama, he ngohe mō ngā i-puka

Kua waihangatia ēnei rauemi ako hei ārahi i te pouako ki te whakauru i ngā i-puka e toru nei ki roto i te hōtaka ako reo me te hōtaka ako pūtaiao.

  • Tīeke: Tau 2–3, Taumata 1–2.
  • Mokomoko: Tau 3–4, Taumata 2–3.
  • He wai te kai!: Tau 5–6, Taumata 3–4.

Kei Google Play me te Apple Appstore ngā i-puka hei whakuru ki ngā taputapu hangarau. Kei raro ngā aratohu mā te pouako.

Hei arataki i te pouako: He kōrero whakamārama, he ngohe mō ngā i-puka (PDF, 2 MB)

He Manu Tuhituhi Hei PDF

I whakaputaina tuatahitia tēnei rauemi i te tau 2008 hei huinga pukapuka. Ko He Manu Tuhituhi he rauemi āwhina mā ngā kaiako me ngā ākonga i ngā akomanga rumaki reo Māori e ako ana i ngā tini āhuatanga o te ao tuhituhi.

Ngā Whanaketanga Rumaki Māori

He mea waihanga e ngā kaiārahi mō te reo me te pāngarau. Ko tā Ngā Whanaketanga Rumaki Māori, he whakaahua i ngā pūkenga me ngā mātauranga me mātua mau i ngā ākonga – taha kōrero, taha pānui, taha tuhituhi, taha pāngarau - i ngā wāhanga ako katoa o Te Marautanga o Aotearoa, i ō rātou wā anō o ngā tau 1 ki te 8 i te kura.

Te Huinga Raukura: Ngā pukapuka takahuri

Tirohia ēnei whakaputanga tuihono rawe o ngā huinga pouaka me ngā rauemi rongorau a Te Huinga Raukura kei te paetukutuku Mātauranga Māori. Kei reira ngā pukapuka takahuri me ngā kōrero ā-taringa, hei whai mā ngā ākonga. Ka taea hoki te tuku iho ngā rauemi tautoko mā ngā pouako, me ētahi ngohe mā ngā ākonga hei PDF. Kei te hangā tonuhia ētahi atu o ngā rauemi. Kei te taha mauī o tēnei whārangi, i raro i te taitara "Te Reo Māori", ētahi atu hononga kia kotahi atu ki ngā rauemi nei.

He Papa Pānui

E miramira ana tēnei tauwhitiwhiti i tētahi pūrākau e pā ana ki te tūrehu, ā, ko te kaikōrero he whāea e kōrero ana ki āna tamariki, e noho ana i te taha o te ahi. Kua whakaahua ngā ākonga ki te pānui i ngā wāhanga o te pūrākau, mai i ngā kōrero, kātahi ka whakautu haere i ngā pātai. Ka noho hoki rātau ki te whakamahi i ngā kōrero mai i te pūrākau ki te āwhina i a rātau ki te whakarite me te whakamārama i ngā pātai. E hāngai ana tēnei pūrākau me ngā tūmahi nei ki ngā Taumata 3–4 (tau pakeke 12–14) o Te Reo Māori i Roto i te Marautanga o Aotearoa. E miramira ana hoki i ngā taumata uaua e rua.

He Tauaromahi Reo Māori

Koinei te whārangi kāinga mō ngā tauaromahi reo Māori. Ko te tauaromahi reo Māori, he tauira tūturu o te mahi ā te ākonga e whakamārama ana i te ako, te whakatutukitanga, me te kounga ki ngā taumata 1 ki te 5 o Te Reo Māori i roto i te Marautanga o Aotearoa. Kei tēnei rauemi he aratohu mā ngā pouako, he tāhū, me tētahi māherehere e hāngai atu ana ki ngā tauaromahi me ngā whenu.

Ngā rauemi ā-tā

He Rau Taki Kōrero

He Rau Taki Kōrero

I tapaina tēnei rauemi ko He Rau Taki Kōrero, he rau nō ngā huarahi ako hei taki i te reo-ā-waha o te ākonga. He raurau hoki tēnei, he ipu e kawe nei i ētahi akoranga hei tautoko i a Whakarongo me Kōrero, hei kinaki anō i ērā atu marau e whakahaerehia nei i te kura, i hea atu rānei. Mehemea e rapu ana koe i ētahi rautaki kē atu hei arataki i āu nā mahi whakaako, hei whakarākei rānei i te reo-ā-waha, he taunaki pea kei tēnei rauemi. Nau mai, takitaki mai!

Hei tono i tēnei rauemi haere ki te paetukutuku Down the Back of the Chair.

Mātaki mai ana te Ao: te Tawhio Pihirei o 1981

Mātaki mai ana te Ao: te Tawhio Pihirei o 1981

Kua whakawhanakehia e Huia NZ Ltd tētahi rauemi matarau mō ngā ākonga o te wharekura. Mā te rauemi nei e hāpai ake i ngā kaiako ki te whakawhanake i ngā pūkenga rangahau, me ngā pūkenga reo, e kounga ake ai ngā mahi i te akomanga. E hāngai ana te rauemi nei ki te ‘Springbok Tour’ o te tau 1981. He rauemi tēnei i whakawhanakehia e Huia NZ Ltd kia hāngai ki ngā wāhanga ako o Tikanga-ā-Iwi me Te Reo Māori, taumata 6-8 o Te Marautanga o Aotearoa, arā, ngā tau 11-13 i roto i ngā kura Māori taumata 1, taumata 2 hoki.
Hei tono i tēnei rauemi haere ki te paetukutuku Down the Back of the Chair

Te Tuhi Ā Hiko

Te Tuhi ā-Hiko

He taputapu tauwhitiwhiti tuhituhi a Te Tuhi ā-Hiko kua hoahoatia hei āwhina i ngā ākonga rumaki Māori, i ngā tau 5 ki te 8, kia tōtika haere ā rātou mahi tuhituhi. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi.

Taurima

Kei tēnei kete rauemi e rima ngā whakaari, e rima ngā kōpae whakarongo, me ētahi aratohu mā te pouako. Kei te whakaatu ia whakaari i tētahi kaupapa o te wā e pā ana ki ngā taunekeneke i ngā tūāhua whānau rerekē. Koia nei ngā taitara o ēnei whakaari, Ihu Hūpē, Kāti Te Riri, Nō Hea Koe?, Āta Whakarongo, me Putiputi Kāneihana E. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi

He Manu Tuhituhi

Ko He Manu Tuhituhi he rauemi āwhina mā ngā kaiako me ngā ākonga i ngā akomanga rumaki reo Māori e ako ana ki te tuhituhi. E whā ngā pukapuka aratohu mā te kaiako, tekau mā tahi ngā pukapuka mā te kaiako me te ākonga. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi

Whakawhitiwhitinga rauemi kaiako

Mā konei e taea ai e koe te takoha rauemi mō te reo Māori pērā me ngā mahere ako, ngā kowae ako, me ngā tūmahi aromatawai kua waihangaia e koe, te whakamahi rānei i ngā rauemi a kaiako kē.

Hoki ake ki runga



Footer: