Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kāinga whakaterenga

Tirohia mā te reo: Māori | Ingarihi

Ngā hononga whai pānga

Ko ngā tikanga whakatiki manatārua te take ka kitea mai tēnei pukapuka takahuri i roto o Aotearoa anake. Mō ētahi atu kōrero whakapā mai ki mataurangamaori@tki.org.nz

Hangarau

Kei konei ngā whakamārama mō ngā rauemi tuihono, putanga ā-tā hoki hei tautoko i ngā kaiako. Ko ētahi o ngā rauemi e hāngai ana ki te tauaki marautanga ō mua, arā, ko Hangarau i Roto i te Marautanga o Aotearoa. Ka honoa ngā taitara o ngā rauemi tuihono ki ngā paetukutuku whai pānga.

Hei tono i ngā rauemi ā-tā pērā me ngā pukapuka, ngā kōpae whakarongo, me ngā kōpae ataata, haere ki te paetukutuku Down the Back of the Chair.

Ngā rauemi tuihono

Hangarau Matihiko

Kua whakahoutia te marautanga Hangarau. Kei tēnei pae tukutuku ētahi rauemi hei āwhina i ngā kaiako ki te whakatinana i te aho Hangarau Matihiko.  

E rua ngā Anga Tupuranga Hangarau Matihiko me ōna whakatupuranga ka taka iho i te aho Hangarau Matihiko.

Te Tupuranga Whakaaro Rorohiko

E waru ōna whakatupuranga e wetewetehia ana ngā whakaaro rorohiko kia whai māramatanga ki ngā rapanga o te papatono rorohiko matatini me ōna momo hātepe, e whaitake ai te waihanga papatono ki te ao tūturu.

Te Tupuranga Tangata me te Rorohiko

E rima ōna whakatupuranga e whakatau ana i ngā tikanga me ngā mātāpono ki te whakahaere tūmahi e tū ai hei kirirarau matihiko.

Ākona te Tau: Hine Raumati

Ko te kaupapa whānui o ēnei kōwae ako e whā ko Hine Raumati. E aro ana tēnā kōwae me tēnā kōwae ki tētahi o ngā taumata (1 ki te 4) o Te Marautanga o Aotearoa. Kua tuhia ngā kōwae ako ki tō te Māori titiro, he ako ā-kaupapa te āhuatanga, ka whakawhiti hoki i te maha o ngā wāhanga ako. Heoi anō, ahakoa e whakawhiti ana ngā ngohe nei i ngā wāhanga ako, kua kōwhiria kia ākina te reo ā-waha i roto i te akomanga – e rua, e rua ko te reo ōpaki me te reo ōkawa. 

He Tauaromahi Hangarau

Koinei te whārangi kāinga mō ngā tauaromahi hangarau. Ko te tauaromahi hangarau he tauira tūturu o te mahi ā te ākonga e whakamārama ana i te ako, te whakatutukitanga me te kounga ki ngā taumata 1 ki te 5 e hāngai atu ana ki Hangarau i roto i te Marautanga o Aotearoa. Kei roto i ngā rauemi mō hangarau he pitopito kōrero mā ngā kaiako, ngā tāhū, tētahi māherehere e whakahāngai atu ana ngā tauaromahi me ngā whenu.

Me mahi hāngī tātau

He tauwhitiwhitinga reo rua tēnei kua whakahoahoa mā ngā ākonga kia ako ai me pēhea te mahi hāngī i raro i kaupapa pūtaiao me te hangarau. 

Te Wharekura 23: Te Mahi Rourou

Kua āta whakamāramatia i roto i te kōrero nei, me pēhea te mahi rourou. Kei te taha o ngā kupu tohutohu he hoahoa hei whakaahua ake i te mahi raranga rourou.

Ngā rauemi ā-tā

Pātaka Tūmahi Hangarau

Tekau ngā kāri ngohe A3 kei tēnei huinga e tautoko ana i te ako hangarau i ngā taumata 2 ki te 3 i roto i ngā akomanga reo Māori. E hāngai ana ia kāri ki tētahi kaupapa rerekē, ā, ka honoa te nuinga ki ngā wheako ako me ngā tauira aromatawai o runga i Hangaraui roto i te Marautanga o Aotearoa (nama take 22600). Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi.

Tūhuratia te Ao Hangarau

Tūhuratia te Ao Hangarau

Kua hoahoatia tēnei hei whakamahinga mā ngā ākonga i ngā kura tuarua. Kei roto i te kete rauemi nei e rima ngā pukapuka mā te ākonga (e toru ngā kape mō ia taitara), e rima ngā kōpae ataata, kua mahia hei hoa mō ia taitara, me ngā aratohu mā te pouako. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi. Kei te wātea tuihono ngā aratohu mā te pouako mai i te paetukutuku Mā te Pouako.

Whakawhitiwhitinga rauemi kaiako

Mā konei e taea ai e koe te takoha rauemi mō hangarau pērā me ngā mahere ako, ngā kowae ako, ngā ngohe, me ngā aromatawai kua waihangaia e koe, te whakamahi hoki i ngā rauemi a kaiako kē mā te akomanga. 

Hoki ake ki runga



Footer: