Kura: Nawton School
Kaiako: Lisa Hopa
Taumata: Tau 0–1
Whakahaere Rōpū Pānui, Tau 0–1
He tauira o te āhua o te whakahaere rōpū pānui i tētahi akomanga Tau 0–1.
Hei matapakinga
Hei matapakinga
1. He aha ngā mahi a ngā ākonga i tō akomanga i a koe e mahi ana ki te taha o tētahi rōpū?
2. Me pēhea te tautoko atu i ngā ākonga kia pai ai tā rātou mahi motuhake i a koe e mahi ana i
te taha o ētahi atu?
3. He aha rā ngā āhuatanga pai ki a koe nō roto i te kiriata nei – ka taea ai e koe te whai i roto i
tō akomanga?
Ngā tuhituhinga
[Kaiako ki ngā tamariki]
arapū hei āwhina i a koutou, nēKei te ako tātou i tō tātou kete kupu tuatahi, nē rā? Kei te pai? Te āhua nei kei te mōhio koutou ki ngā kupu katoa, nē.
[Kaiako]
Taku tino whāinga i roto i tēnei akomanga, te tāutu pū, tāutu kūoro, te tuhituhi ingoa, te āta titiro ki ngā kete kupu, tahi, rua, toru. Ka tino ū rātou ki ērā, kia waia haere rātou ki ērā kupu.
[E whakahua ana ngā kupu waiwai]
[Kaiako]
Ētahi wā ka whakauru au i ngā kupu uaua rawa atu, pērā i te kupu “inanahi”. Ka kī au ki a rātou, “He kupu tino uaua tēnei, kāore e taea e koe te mōhio he aha tēnei kupu.” Ka tere mau i a rātou ērā kupu tino uaua. I runga i tērā ka tino hīkaka te ngākau o ngā tamariki.
[Ka whakahua tere i ngā kupu waiwai]
[Kaiako]
Ētahi wā ka whakaritea e au ētahi ngohe e hāngai ana ki te pukapuka ka pānuitia e rātou. Ka whakaritea e au ētahi kēmu kia whakapakari i ō rātou pānui i ngā pū matua, pū riki, kūoro ērā momo … hanga kupu …
[Kaiako me ngā tamariki]
Pūmatua ki tēnei taha, pū riki ki tēnei taha. Mehemea kei te raru koutou, whakamahia ngā kāri arapū hei āwhina i a koutou, nē?
Kei te mahi ētahi o koutou i ngā mahi i runga i te ī-papa. Kei te pai? Nō reira, i a koutou i runga i ngā ī-papa ka āhei koutou ki te raweke i ētahi atu kēmu?
Kāo.
Nō reira, kia ū tonu koutou ki te kēmu tika, nē rā?
Āe.
Nō reira – taihoa – Ka whakaritea e Whaea Lisa te pātaka, nē? He pukapuka reo Māori ki konei, ka whiriwhiria e koutou ko tēhea te pukapuka hei pānuitanga mā koutou, nē? Mārama koutou?
Āe.
[Kaiako]
Ka whakarite au te ī-papa. He tino pai te ī-papa ki a rātou, nō reira, koia tētahi o aku teihana mahi.
Ko te mea nui kia hāngai ki te kaupapa. Kia ū tonu rātou ki te kaupapa pānui. I ētahi wā, he tino uaua tērā mā ētahi o ngā tamariki.
[Tamariki i te akomanga]
Whaea, kāore a Charles-Hari i te whakapai.
Charles-Hari, kia tika te mahi koa.
[Kaiako ki te tokorua]
Kimihia te ‘a’.
Kei te ako tonu ētahi o rātou ki te tāutu i te pū matua, ki te honohono i te pū matua ki te pū riki. Nō reira, ka whakaritea e au he momo kāri, kia māmā ake te honohono i te pū matua ki te pū riki.
[Kaiako me ngā tamariki]
Oi! Kei te tika?
Kei te tika ahau.
Kōrero mai.
Ā, ā
Āe, nō reira tuhia te pūriki ki konei. Ka pai.
[Kaiako]
He tino taonga te rākau ahiparaka ki a au. Kia mōhio pū rawa me whakamahi te āputa kei waengnui i ngā kupu kia kite pai ai te kaipānui, māmā ake te pānui i ō rātou tuhinga.
[Kaiako ki te tokorua]
Ka noho te rākau ahiparaka ki konei? Āe, ka noho ki waenganui, nē?
[Kaiako]
Kei taumata kē rāua. Kua mōhio kē rāua ki te hanga rerenga kōrero. Kua ako kē rāua tahi ki te pānui i ngā kupu waiwai, nō reira, kua tīmata kē rāua ki te hanga i tō rāua ake rerenga kōrero, hei tuhituhi mā rāua.
Te nuinga o te wā ka noho au ki taku tēpu. Tino pai ki ahau taku tēpū, ka taea e au te tuhituhi ki runga, ka taea e ngā tamariki te tuhituhi ki runga i te tēpu hoki. Nō reira, ka noho pūmau ahau ki taua tēpu mō te katoa o te wāhanga ka huri haere ngā tamariki i ngā teihana mahi. Ka haramai rātou ki ahau kia noho tahi rātou ki taku taha mō te wā poto, kātahi ka mutu tērā ka haere rātou ki ētahi mahi kua whakaritea e au. Kātahi ka mutu tērā, ka haere rātou ki ētahi atu teihana mahi ki te parakatihi te tuhituhi i ērā momo … ki te tuhituhi i ngā kupu hou, ngā kupu waiwai me ērā momo āhuatanga.
[Kaiako ki tētahi tamaiti]
Rawe tō ‘e’. Te Tawha. Ka pai. Homai te rima. Chaaa!