Ngohe 4: Te Papa ā-Rau
Ka mahi takitahi, ka mahi tahi ngā ākonga katoa rānei, ka whakataetae te kaiako ki ngā ākonga rānei.
Te Whāinga Ako
Ko tā tēnei ngohe he āwhina i ngā ākonga ki te āhukahuka me te whakaraupapa i ngā tau 1–100; kia mārama hoki rātou ki te rahi o tētahi tau.
Hei Mahi
He Tohutohu
- Kua kapo noatia atu tētahi tapawhā 5x5 e te papa ā-rau, ā, he parauri te tae. Ka kitea tētahi tau o roto.
- Kei te taha matau e rua ngā tapawhā kikorangi mā ia kaitākaro, ia rōpū rānei.
- Mā ia kaitākaro te wā ki te tō i tētahi o ngā tau mai i te tapawhā kikorangi ki te taunga tika (e hāngai ana ki te tau kei reira kē) o roto i te tapawhā parauri.
- Mehemea ka tōia te tau ki taunga hē, ka hoki atu te tau ki te tapawhā kikorangi, ā, ka riro te wā ki kaitākaro kē.
- Ka toa te kaitākaro, rōpū rānei nana āna tau katoa i whakapau.