Ngohe 1: Te Tatau

Ko tā tēnei ngohe he āwhina i ngā ākonga ki te āhukahuka i ngā tauoti 1–100; ki te kite, ki te whakamārama i ngā tauira tau; ki te whakawhanake hoki i ētahi rautaki tatau.

He Tohutohu

1. Kōrerohia ngā tau i a koe e pāwhiri ana.
2. Pāwhiria tētahi tau, ka tatau ki te 100, mai i taua tau.
3. Whakamāramatia te pānga o ngā tau o roto i ngā rārangi pae, me ngā rārangi pou.
4. Tīmata mai i te tau 100, ka tatau whakamuri ai.
5. Pāwhiria he tau tīmatanga, ka tatau whakamuri mai i reira.
6. Tākarotia te ‘Whakataetae oma kī te 100’ Race to 100. (2–4 ngā kaitākaro me ngā papa ā-rau.)
    Ngā ture:
   1. Ka tīmata mai i te tau kotahi.
   2. Mā ia ākonga te wā ki te whiu i tētahi mataono tau, ka tatau ai, ā, ka neke atu ki te tau tika.
   3. Mehemea ka whiria ā-hinengarotia nei te taunga tika i mua i te nekehanga, ka riro māna kia kotahi te nekehanga āpiti.
   4. Ka toa te akonga e eke tuatahi ai, e whakawhiti tuatahi atu ai rānei i te 100.
7. Pāwhiria, tatauria hoki ngā tau 2 katoa. Tirohia te tauira kua hangā. Hei pātai: "He aha ēnei momo tau?" (He taurua.) "He aha ngā momo tau kāore i pāwhiria?" (He taukehe.)
   Kia pēnei anō mā te tatau i ngā 3, ngā 4, tae atu ki ngā 10.
8. Tatauria mā ngā taurea 5, ngā taurea 10.
9. Pāwhiria tētahi tau. Tatauria mā ngā tāpiritanga 2, tāpiritanga 5. Kia pēnei anō, engari mā te tatau whakamuri.
10. Ka whakamāramahia e te kaiako te mahi whakaawhiwhi. Pāwhiria he tau, ka ui ai “Ko tēhea o ngā tau 10 e pātata mai ana?”

Ngohe 1 Te Tatau (PDF, 244 KB)

Ngohe 1 Te Tatau (Word 2007, 24 KB)