Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kāinga whakaterenga

Tirohia mā te reo: Māori | Ingarihi

Ngā hononga whai pānga

Ko ngā tikanga whakatiki manatārua te take ka kitea mai tēnei pukapuka takahuri i roto o Aotearoa anake. Mō ētahi atu kōrero whakapā mai ki mataurangamaori@tki.org.nz

Hauora

Kei konei ngā whakamārama mō ngā rauemi tuihono, putanga ā-tā hoki hei tautoko i ngā kaiako. E hāngai ana ētahi o ngā rauemi ki te tauaki marautanga o mua, arā, ko te Hauora i roto i te Marautanga o Aotearoa: He tauira. Ka honoa ngā taitara o ngā rauemi tuihono ki ngā paetukutuku whai pānga.

Hei tono i ngā rauemi ā-tā pērā me ngā pukapuka, ngā kōpae whakarongo, me ngā kōpae ataata, haere ki te paetukutuku Down the Back of the Chair

Ngā rauemi tuihono

Te Ao Kori

Ka mau i tēnei rauemi ngā ariā hei whakamahere i ngā wheako akoako me ngā hua e whakakorotia ana. Kei konei he ataata, whakaahua hoki o ngā kēmu me ngā ngohe pērā i ngā mahi whai, poi, me ngā tākaro ā-ringa. Mā tēnei rauemi e whakahau i ngā ākonga ki te tūhura i ngā pūkenga, i ngā mātauranga, i ngā uara, me ngā whaiaro kei roto i te ngā marautanga o mua, arā ko:

  • Hauora i roto i te Marautanga o Aotearoa: He Tauira
  • Ngā Toi i roto i te Marautanga o Aotearoa.

Ngā rauemi ā-tā

Te Pūhuruhurutanga

He pukapuka mā ngā tamariki 9–11 ngā tau te pakeke, arā, rātou kei te whakatata atu ki te pūhuruhurutanga o te tinana. He kohinga kōrero nā te rau tangata nō ngā iwi o te motu hei tauira mō te uri whakatipu, kia kitea ai e ngā tamariki ko tātou katoa te tangata ka eke i tēnei pikinga poutama, arā, te whakawhitinga o te tamaiti ki tōna pakeketanga. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi.

He Pai Noa Iho Te Rerekē: Te pūkete

He pūkete e hāngai ana ki te taumata 4 me te 5 o te marautanga reo me te marautanga hauora. E whā ngā pakimaero, e whā ngā pānui whakaahua, e whā ngā kōpae whakarongo, kotahi te puka aratohu a te pouako. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi.

He Taonga anō te Kai

He kōtiro a Waiora e ngākaunui ana, māharahara hoki ana ki tōna Kōkā, a Kōkā Te Māhoe i te mea, i ētahi wā ka tino ngenge ia. I tētahi rā, ka kite ia i a Kōkā Te Māhoe, kua huri katoa tōna āhua. Whai atu i ngā kōrero i waenganui i ngā tokorua nei mō te hauora me ngā kai tika mō te tinana. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi.

Te Arotahi ki te kai

He rauemi tautoko marautanga mā ngā kaiako hei akiaki i ngā ākonga kia āta whakaarohia mō te kai me ngā pānga ki ā rātou whiringa kai. I takea mai tēnei rauemi i hauora taumata 2 o Te Marautanga o Aoteraroa, ā, e whakahoahoa nei tēnei rauemi hei tautoko i ngā kaiako ki te whakarite mahere kōwae e pā ana ki te kai tōtika.

He Kupu Whakataki (PDF, 661 KB)

Taumata 2 (PDF, 1 MB)

Taumata 3 (PDF, 746 KB)

Taumata 4 (PDF, 727 KB)

Ngā Tohutoro (PDF, 164 KB)

Ngā Āpitihanga (PDF, 469 KB)

Whakawhitiwhitinga rauemi kaiako

Mā konei e taea ai e koe te takoha rauemi mō hauora pērā me ngā mahere ako, ngā kowae ako, ngā ngohe, me ngā aromatawai kua waihangaia e koe, te whakamahi hoki i ngā rauemi a kaiako kē mā te akomanga. 

Hoki ake ki runga



Footer: