Te Reo Pākehā
Kei konei ngā whakamārama mō ngā rauemi tuihono, putanga ā-tā hoki hei tautoko i ngā kaiako. Ka honoa ngā taitara o ngā rauemi tuihono ki ngā paetukutuku whai pānga.
Hei tono i ngā rauemi ā-tā pērā me ngā pukapuka, ngā kōpae whakarongo, me ngā kōpae ataata, haere ki te paetukutuku Down the Back of the Chair.
Ngā rauemi tuihono
English Online
He paetukutuku reo Ingarihi tēnei mā ngā kaiako reo Ingarihi i Aotearoa e whakaako ana i ngā ākonga tau 1–13. Ko ngā kai o roto, arā, ko ngā kōrero o te wā, he kōwae ako, mahere ako hoki, he rauemi kua arotakengia, he rārangi īmēra, rauemi mahere, aromatawaitanga, NCEA, aha atu, aha atu.
English subject resources
Kei tēnei wāhanga o te paetukutuku NZQA he hononga ki ngā rauemi katoa o te NCEA Ingarihi. Kei konei ngā tuhituhinga kōwae, paerewa paetae hoki, ngā tahū aromatawai, arotake paerewa, pānui kaiaromātai, tikanga aromatawai, pēpa whakamātautau, whakaritenga aromatawai/whakawā hoki.
ESOL Online
Tirohia tēnei paetukutuku mā ngā kaiako o te kura tuatahi, kura tuarua hoki hei whakautu i ngā matea o ngā ākonga reo Ingarihi. Kei konei ngā rauemi tuihono mō ngā mātanga ESOL me ngā kaiako. Anō rā ko te whakawhitinga rauemi ā-kaiako, rangahautanga o ngā kaupapa whakaaro, rautaki ako, kōwae ako, hononga ki ngā tuhituhinga ngaio, he wānanga whitiwhiti whakaaro, me ngā paetukutuku whai take mā ngā kaiako me ngā ākonga.
Rūaumoko - Te Reo Haruru
Rūaumoko - Te Reo Haruru - He pukapuka matihiko pāhekoheko mō te ako e takina ana e ētahi ākonga Māori e turi ana i Te Reo Turi reo Māori/Te Reo Turi o Aotearoa. Ka takina i konei te kōrero mō Rūaumoko, te Atua o te rū whenua, me te hāngai o tēnei atua ki ngā tāngata turi Māori. I whanakehia tēnei pukapuka matihiko hei rauemi ako i tētahi wānanga kitakita e rima rangi te roa me ngā kaihāpai o Te Tāhuhu o te Mātauranga, o Kelston Deaf Education Centre, o CORE Education Ltd, o KIWA Digital hoki. E taunakitia ana ngā kōrero me ngā kupu hauraro, ngā oro hoki i te reo Māori me te reo Pākehā.
Whakawhitiwhitinga rauemi kaiako
Mā konei e taea ai e koe te takoha rauemi mō te reo pākehā pērā me ngā mahere ako, ngā kowae ako, ngā ngohe, me ngā aromatawai kua waihangaia e koe, te whakamahi hoki i ngā rauemi a kaiako kē mā te akomanga.