Kura: Nawton Primary School
Kaiako: Hurae White
Taumata: Tau 6
Te Reo ā-Waha, Tau 6
He tauira o te whakamahinga o te taupānga “Sock Puppets” hei whakawai i te rerenga kōrero o te wiki.
Hei matapakinga
Hei matapakinga
1. He pēhea tō tīpako atu i te aronga o te reo ā-waha i tō akomanga/whānau/kura?
2. He pēhea tō whakatikatika i ngā hapa ka rangona nuitia i te akomanga/whānau/kura?
3. Me pēhea te whai i te tauira o tēnei kiriata ki te kore ō ī-papa?
Ngā tuhituhinga
[Sock Puppets – He whakaari]
Te rerenga kōrero o te wiki.
Ka pai.
Kei te aha ia?
Kei te whakaharatau tonu ia ki te waiata. Kāore ia i te tino pai, whakarongo.
[Kaiako]
Nō tēnei tau tonu mātou i whakarite i te rerenga kōrero o te wiki. Arā, ko tā mātou he tīpako i ētahi o aua hapa e rangona whānuitia ana, me te āta whakatauira atu i ngā rerenga ki ngā tamariki, ki ngā kaiako i te tuatahi, otirā, ki ngā tamariki, mā ngā tamariki tonu e whakamahi.
Ko tētahi hōtaka e ngākaunuitia ana, e kīia ana ko ngā “Tōkena Karetao” nei. He mea hātakēhi rawa ko ngā tamariki tonu kei te whiriwhiri… akene pea he kēhua ahau, he taniwha ahau – engari ka whakaritea te rauemi kia kōrero te tōkena nei. Hātakēhi, engari ngāhau nui ki ngā tamariki.
[Tamaiti 1]
Ko te kaupapa ia wiki, kei a mātou tētahi rerenga kōrero. Ko tō mātou mahi ko te hanga kiriata, arā, ka purua te rerenga kōrero i roto i tētahi kiriata – i runga i te ī-papa.
[Tamaiti 2]
Kei te ako mātou ki te whakamahi i te kupu ‘tonu’ … um… pērā… anei tētahi tauira “Kei te tākaro tonu ngā tamariki.”
[Tamaiti 3]
Me whiriwhiri tētahi kiripuaki, he wāhi, ā, ko ngā taputapu hoki. Kātahi me haere tonu kua whakarite he kōrero… me kōrero te rerenga kōrero o te wiki.
[Tamaiti 2]
Ka pai. Me whiriwhiri mātou ko te kiripuaki … tangata weriweri.
Tuarua, tuatangata.
Tuatoru, kēhua.
Ka pai.
[Kaiako]
Ko te painga ko ngā tamariki tonu kei te whakamahi i te reo. Mēnā e hē ana, kāore he raru whakaritea anō tētahi. Engari, he mea e puta ana te ihiihi i roto i ngā mahi, te harikoa, te wairua tau ki ērā momo whakawhitinga. Ehara i te mea kei te whakatū ngā tamariki ki te whakatauira atu ki mua i te minenga. Heoi anō, ko tētahi rōpū whāiti nei, e ngahaunuitia ana ki te ako, ki te whakatauira ki a rātou anō, me te mahi tahi
[Ngā tamariki e kōrero ana]
Ko tēhea te wāhi tika? Ko te moana?
Kāo.
Ko te akomanga?
Kāo
Te atamira?
Āe.
Ko tēhea taputapu e hiahia koutou? Ko te rākau?
Kāo.
Te pukapuka?
Kāo.
Te hopu oro?
Āe.
[Kaiako]
Ko ētahi ka tono atu ngā tamariki ki te waihanga whakaari iti noa iho nei, engari ko te tikanga me whakamahi i te rerenga kōrero o te wiki i roto i tērā o ngā whakaaturanga. I a mātou e hui tahi ana, he wāhanga mō ngā momo māharahara, mānukanuka rānei a ngā kaiako. Me te whakawaiwai i ētahi o ngā rerenga kōrero, tērā pea e tika ana, e hē ana rānei, mā mātou tonu e tautoko atu. Ko ngā kaiako tonu e whakahoki atu ana i ngā momo ngohe kua wānangatia e mātou i roto i ngā hui kaiako. Arā hoki, ko ngā ī-papa, he wā anō te taha hangarau kia tautoko atu i ēnei momo ngohe kia …. tuku atu, tuku mai. … te reo e ora nei i waenganui i ngā mahi, ia rā, ia rā.
[Ngā tamariki e whakaari ana]
Te rerenga kōrero o te wiki.
Ka pai.
Kei te aha ia?
Kei te whakaharatau tonu ia ki te waiata. Kāore ia i te tino pai, whakarongo.
Te rerenga kōrero o te wiki.
Āe tika tāu.
Pakipaki, pakipaki. Ka pai.
Kia ora te whānau.
[Kaiako]
Pārekareka katoa te whakarongo atu ki ngā tamariki e whakamahi ana i te rerenga o te wiki. Otirā, e whakatauira ana i ngā rerenga, e whakamahara ana i ētahi wā i ō rātou hoa mahi i roto i te akomanga – arā kē te rerenga e iri mai rā i runga i te pakitara me pēnei kē. Ko ngā tamariki tonu kei te whakatauira ki a rātou anō. He mea nui.
[Sock Puppets – whakaari ī-papa]
Te rerenga kōrero o te wiki.
Ka pai.
Kei te aha ia?
Kei te whakaharatau tonu ia ki te waiata. Kāore ia i te tino pai, whakarongo.
Te rerenga kōrero o te wiki.
Āe tika tāu.
Pakipaki, pakipaki. Ka pai.
Kia ora te whānau.