Ngohe 3: He Aha Taku Tau?
Ka mahi takitahi, ka mahi tahi ngā ākonga katoa rānei.
Te Whāinga Ako
Ko tā tēnei ngohe he āwhina i ngā ākonga ki te āhukahuka me te whakaraupapa i ngā tau 1–100; kia mārama hoki rātou ki te rahi o tētahi tau.
Hei Mahi
He Tohutohu
- Ka whakaarohia tētahi tau e te kaiako. Ko tā ngā ākonga he kimi i taua tau.
- Ka pāwhiria e rātou tētahi tau. Mehemea he iti iho taua tau i tā te kaiako, ka kī atu ia "He iti iho". Mehemea he nui ake, ka kīia "He nui ake".
- Ka haere tonu pēnei kia pāwhiria rā anō te tau tika.
- Ka whakaarohia tētahi tau e te kaiako (e tētahi ākonga rānei). Ka hoatu he tīwhiri ki ngā ākonga e pēnei ana:
- Ehara i te taurite, engari he taurea 3 kē.
- He iti iho i te 50, engari he nui ake i te 38…
Ka pāwhiria e ngā ākonga ngā tau kore whai pānga. Ka haere tonu pēnei kia toe rā anō te tau tika.