Ngā tikanga me ngā ture

He aratohu hei tuku rauemi ki te Whakawhitiwhitinga Rauemi Kaiako

Mehemea ka takohatia tētahi rauemi e koe, ka tirohia taua rauemi e tētehi kaitakawaenga ā-hapori i mua i te whakaputanga ki te ipurangi. Tēnā pea ka whakapā atu te kaitakawaenga ki a koe me ngā tūtohu panoni, ngā paku whakatikatika rānei, engari e kore ēnei āhuatanga e takahi i te mana o tāu rauemi.  
I mua i te tukunga mai o tāu rauemi, me mātua whakarite ngā āhuatanga e whai ake nei 

1. Kāore e kitea, e whakaahuahia rānei, ngā ingoa waitohu (pērā i te iPod me te PowerPoint) ki ngā whakaahua me ngā kōnae ororonga. (Whakamahia ngā whakaahuahanga pērā me te 'mp3 player', te 'whakaaturanga tuihono' rānei.)
2. Kua whai whakaaetanga koe ki te whakamahi i te reo, i ngā whakaahua rānei o te tangata mō te rauemi. (Nā te mea ka wātea tūmatanuitia te rauemi ki tēnei paetukutuku.)
   

   Tukuna iho he puka whakaae hei whakamahi i ngā kōnae ororonga, ngā ataata, ngā whakaahua rānei (PDF, 67 KB)

   (Mā te taitamariki tēnei, engari ka taea te whakarerekē hei whakahāngai atu ki te pakeke.)
3. He taketake tāu rauemi. (Kia kaua koe e whakauru i ngā mea kua mana tāruatia, kua hangaia rānei e tangata kē.)
4. Kāore kau he mea whakaiti, whakaparahako rānei i tō rauemi.
5. Kāore kau he kōrero hei whakamōhio atu i ngā kōrero tūmataiti o tangata kē, mei kore i whakaaetia kētia e rātou.

Hoki ake ki runga