Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kāinga whakaterenga

Tirohia mā te reo: Māori | Ingarihi

Te Hōtaka Tuku Whakaputanga reo Māori, Hōngongoi 2016

Tirohia tēnei hōtaka e whakaatu ana i ngā rauemi a te Tāhuhu o te Mātauranga e whakaputaina ana i te tau 2016. 

Taitara

Ngā tau

He whakaahuatanga

Te wā tuku ka tūmanakohia

Kaiwhakaputa

Te moheni Taiki E!

(kua tukuna)

3-6 He moheni reo Māori a Tāiki E! hei pānui mā ngā ākonga i ngā kura reo Māori huri noa i te motu. I tēnei putanga ka tirohia ngā kararehe hārakiraki me ō rātou tinana mīharo rawa, tae noa ki ngā mahi rangahau mō ngā kararehe e kaha tautoko ana i ngā mahi rangahau i roto i ngā hōhipera. Ko Te Kura Kaupapa Māori o Te Kōtuku te kura e whakaaturia ana i tēnei putanga. Ka kitea hoki he tohu tao, he pāwhatiwhati, he arotake kiriata, me tētahi kōrero mō te whetū kiriata a Julian Dennison mai i Hunt for the Wilderpeople.  Ka tohaina ki ngā kura me Wickliffe ā te Pipiri 2016 Huia (NZ) Ltd

Eke Panuku

(kua tukuna)

6-9 He moheni reo Māori a  Eke Panuku 32 mā te ākonga i roto i ngā kura Māori me ngā akoranga reo Māori huri noa i te motu. Kei tēnei putanga ngā kōrero e pā ana ki te poutiriao nei, a Māui. I takahia e Hina te motu tapu a Whiro. Nā tēnei tū āhuatanga ka kāhakitia a ia ki Rarohenga e ngā hōia a Whiro. Ka rongo a Māui, ka whāia e ia. Tōna taenga atu kua mauheretia tana wahine e Whiro. Ka tohaina ki ngā kura me Wickliffe ā te Pipiri 2016 Huia (NZ) Ltd

Toi Te kupu 102

(kua tukuna)

9-13 He niupepa reo Māori a Toi Te Kupu hei pānui mā te hunga taiohi. I tēnei putanga ka tirohia te tauwhainga ā-motu waka ama mō ngā kura tuarua 2016. Ka whakawāhia, ka uia hoki a Moana Jackson e Toi Te Kupu mō te kaupapa TPPA. Ka tohaina ki ngā kura me Wickliffe ā te Pipiri 2016 Huia (NZ) Ltd

Te Kōrero mō Rūaumako

(kua tukuna)

1-8 He pukapuka tauwhitiwhiti matihiko kei roto ko ngā reo e toru (te reo rotarota Māori/te reo rotarota o Aotearoa, te reo Māori, me te reo Ingarihi) ka whakaata i te ao Māori me te tirohanga whānui ake o te Māori - e noho ai te reo me ngā tikanga Māori ki mua tonu.  Ka aro te kaupapa ki te Tuakiri o te Hunga Turi Māori me te whakahāngai ina taea ki te marautanga, nā reira ka whaihua ngā hōtuhi me ngā kōrero i ngā mahi tahi me ngā kaiwhakaako me te hapori hunga turi me te aro tonu ki te kaupapa, ngā tikanga whakaako me te hanganga. Ka wātea te taupānga ā te Hōngongoi 2016 Kiwa Digital 

Hou Mai

(kua tukuna)

Whānau He kohikohinga kiriata o ngā whānau e kōrero ana mō te huarahi i parangia e rātou ki te ako i te reo Māori, e kōrerohia ai ngā tukanga i whāia e rātou kia tupu mai ai ā rātou tamariki i roto i ngā kura Māori. Ka kōrerohia ngā uauatanga, me ngā āhuatanga momoho hei whakatenatena i ngā whānau e rangirua ana, mēnā rā e tika ana kia tupu mai ā rātou tamariki i roto i ngā kura Māori, kāre rānei.  TKI Hōngongoi, 2016 Blue Bach Productions

Te Reo o Ngā Toi: Toi Ataata ā-Ipurangi

(kua tukuna)

Ngā taumata katoa Ko te whakaputanga o te papakupu Toi Ataata ki te ipurangi. He wāhanga tēnei o te papakupu matua o Ngā Toi, ka puta hei pukapuka ā te tau 2018. http://paekupu.co.nz  Hōngongoi 2016 He Kupenga Hao i te Reo

Te Reo o Ngā Toi: Puoro ā-Ipurangi 

(kua tukuna)

Ngā taumata katoa Ko te whakaputanga o te papakupu Puoro ki te ipurangi. He wāhanga tēnei o te papakupu matua o Ngā Toi, ka puta hei pukapuka ā te tau 2018. http://paekupu.co.nz  Hōngongoi 2016 He Kupenga Hao i te Reo
Whakahōunga mō te taupānga Te Arapū 1-3 Ka tāpiritia he tuemi tahua anō ki te taupānga Te Arapū he mea tuku i te tau 2015, me te whakatika i ngā iro kua tautohua. Kua tukuna atu ki te taupānga tuihono ā te Hōngongoi 2016 Kapohia Ltd
He Aratohu Reo Tohutohu mā ngā kaiako 11-13 He whakaputanga ka āwhina i ngā kaiako e mahi ana me ngā ākonga pakeke i ngā wharekura ki te tautohu i ngā momo tūmahi rerekē, me te wetewete i ngā kupu o ngā tūmahi hei tautoko i ngā ākonga i a rātou e takatū ana mō ngā aromatawai ā-waho, arā, ko te NCEA me te Karahipi. Kei roto hoki i ngā aratohu he rautaki mā ngā kaiako mō te whakawhanake i ngā pātai tōtika me te reo tohutohu e hāngai ana ki ngā marau rerekē puta noa i ngā Taumata 6-8 o Te Marautanga o Aotearoa. Ka wātea i runga i TKI ā te Hereturikōkā 2016 Huia (NZ) Ltd
Te moheni Hui E! 7-8 He moheni e tuhia ana mā ngā ākonga i ngā kura waenganui. Ko te whakaaro, mā ngā ākonga e whai wāhi hei kaituhi. Ka whakaatu tēnei moheni i ngā ngohe pārekareka me te whakangahau, ngā tuhinga whakamōhiohio, whakaoho hinengaro anō hoki.  Ka tohaina ki ngā kura me Wickliffe ā te Hereturikōkā 2016 Huia (NZ) Ltd
Ngā mahere kōwae ako mō te reo ā-waha 1-8 Ngā mahere kōwae ako e taea ai e ngā kaiako te whakarato i te hōtaka reo ā-waha tōtika ki ngā ākonga e mahi ana i ngā taumata 1-4 o Te Marautanga o Aotearoa. Ka wātea i runga i TKI ā te Hereturikōkā 2016 Huia (NZ) Ltd
Te Reo Waiata Te Reo Mōteatea 1-8 Ka whakaputaina e ono ki te waru mōteatea o ngā momo ngeri, waiata tangi, oriori rānei e āta kōwhiria ai te aronga, mā te hōputu tauwhitiwhiti matihiko. Ka whakaahuatia ki ngā riu tuihono ororongo ka whakaatu hoki ki te taha o ngā mōteatea ko ngā mōhiohio whai pānga me ngā haurongo o ngā kaitito.  E wātea ana i runga i TKI ā te Hereturikōkā 2016 Hana Ltd
Ākona Te Tau 1-8 He kohinga kōwae ako mō ngā taumata 1–4. Mā te pouako tēnei rauemi. He aro ā-kaupapa e kapi nei ngā wāhanga ako o Te Marautanga o Aotearoa. E wātea ana i runga i TKI ā te Hereturikōkā 2016 Hana Ltd
Te Ipu Kōrero   1-8 He huinga kāri ngohe mō te reo ā-waha e whakaakona ai i te tuatahi ko te reo ā-waha mā te tirohanga Āheinga Reo (arā, ko te pūtake o te tuhinga me ngā āheinga reo), e ai ki te whakaahuatanga kei te wāhanga ako Te Reo Māori o Te Marautanga o Aotearoa. Ka tukuna aua kāri ngohe hei pouaka kei roto ko ētahi kāri e 50 pea, he māmā ki te whakamahi. Ka tukuna ngā kāri ki te reo Māori anake. Ka tohaina ki ngā kura me Wickliffe ā te Hereturikōkā 2016 Haemata Tāpui
Pōtiki: he aratohu mā te pouako 12-13 He tātaritanga tēnei o te pakimaero o Pōtiki, me ōna tū āhuatanga pēnei i ngā whainga matua, ngā waipaki, ngā kiripuaki, te reo, ngā tūwāhi, ngā momo pūkenga tuhinga, te hiahia o te kaituhi, ngā pūkenga matua me te matatau e whārikihia ai te wāhanga ako o Te Reo Māori mai i Te Marautanga o Aotearoa, ka whai atu anō ngā  tūmahi whakaako, akoako hoki, tae noa ki ngā tūmahi aromatawai. E wātea ana i runga i TKI ā te Hereturikōkā 2016 Huia (NZ) Ltd
Manu Kai Mātauranga - Mātaki Mai Ana Te Ao 11-13 Kei te whakawhanakehia e Huia NZ Ltd tētahi rauemi matarau mo ngā ākonga o te wharekura. Mā te rauemi nei e hāpai ake i ngā kaiako ki te whakawhanake i ngā pūkenga rangahau, me ngā pūkenga reo, e kounga ake ai ngā mahi i te akomanga. E hāngai ana te rauemi nei ki te ‘Springbok Tour’ o te tau 1981. He rauemi tēnei i whakawhanakehia e Huia NZ Ltd kia hāngai ki ngā wāhanga ako o Tikanga-ā-Iwi me Te Reo Māori, taumata 6-8 o Te Marautanga o Aotearoa, arā, ngā tau 11-13 i roto i ngā kura Māori taumata 1, taumata 2 hoki. Ka tohaina ki ngā kura me Wickliffe me te whakaputa tuihono i runga i TKI ā te Hereturikōkā 2016 Huia (NZ) Ltd
Te Pito o te Henua and Te Ātea Teaching and Learning Materials 11-13 He kohinga rāpoi rauemi a Te Paparahi mō ngā kaupapa ako e uru ai ngā paerewa o Te Reo Rangatira hei aromatawai i te pakari me te piki o ngā ākonga me tō reo reo Māori i ngā Taumata 1-3 o te Tohu Mātauranga. Ka rite kia whakahekea i te ipurangi ngā mahere akoranga me ngā rauemi e maha hei mahi ākonga. He whitiata hoki hei whakaatu i ngā kaupapa me ngā paerewa ki ngā ākonga, ki ngā kaiako, ki ngā whānau, me te ārahi atu i ngā whakaritenga. Ka puta ngā rauemi katoa hei mea ipurangi. He mea tauwhitiwhiti hoki ētahi. Ko te tūmanako ia ka whakakaha Te Paparahi i te whakawhitiwhiti whakaaro i waenganui i ngā ranga akoako, ā, puta noa i te hāpori. Ka whakaputahia mō te Mahuru 2016 Ahuru
Te Reo o Ngā Toi: Ngā Mahi a te Rēhia – He tauira papakupu Ngā taumata katoa Ko te tauira papakupu o Ngā Mahi a te Rēhia. He pukapuka tēnei, hei whakahoki kōrero mā te hunga e whai pānga ana. He wāhanga o te papakupu matua o Ngā Toi, ka puta hei pukapuka ā te tau 2018. Kua puta ki te marea hei whakahoki kōrero mō te marama o Mahuru 2016 He Kupenga Hao i te Reo
Te Paparahi - He rauemi whakaako mō Te Reo Rangatira  11-13 Ko Te Paparahi he kohikohinga māhere whakaako hei hāpai i te whakaako o ngā paerewa Te Reo Rangatira Taumata 1 ki te 3. Ko te rauemi nei he mea i whanakehia hei āwhina i ngā kaiako ki te aromātai i te kakenga o ngā ākonga e ako ana i Te Reo Rangatira, ahakoa te taumata. Ko te rauemi nei he mea ipurangi, ko ētahi he mea hei whakaheke mā ngā kaiako, arā, ngā whitiata whakaako, ngā māhere whakaako me te puka whakamārama i ngā kaupapa o roto mai i ngā mahere, me ngā ngohe ako.  Ka tāpirihia ki TKI hei te kohitātea 2017 Tarapō
Mākorea (He Tuhinga Matihiko) 11-13 He rauemi tēnei kua hanga hei whakatōmene i ngā momo tikanga ōnamanta o te iwi Māori i toko ake mai ngā pūrākau e pā ana ke te hītori o Te Waipounamu ki tā te pukapuka Te Makorea nā Te Heikōkō Mataira. He rauemi tēnei mō Te Reo Rangatira me te Hītori. Hei āpiti, he pukapuka ā-ipurangi hoki tā te pukapuka nei e taea ai te whakamahi Kohitātea 2017 Ahuru
Rēhua he rauemi matihiko mā ngā ākonga me ngā kaiako 11-13 He rauemi matihiko tēnei hei tautoko i Te Marautanga o Aotearoa, taumata 6–7, e whai wāhi ake ngā ākonga ki tēnei pakimaero – he tauira kairangi o te reo Māori. Kohitātea 2017 Huia (NZ) Ltd

Tirohia te hōtaka hei kōnae Excel. 

Te Hōtaka Tuku Whakaputanga reo Māori, Hōngongoi 2016 (Excel 2007, 18 KB)

Hoki ake ki runga



Footer: