Ngā Toi

Ākona te Tau: Hine Raumati

Ko te kaupapa whānui o ēnei kōwae ako e whā ko Hine Raumati. E aro ana tēnā kōwae me tēnā kōwae ki tētahi o ngā taumata (1 ki te 4) o Te Marautanga o Aotearoa. Kua tuhia ngā kōwae ako ki tō te Māori titiro, he ako ā-kaupapa te āhuatanga, ka whakawhiti hoki i te maha o ngā wāhanga ako. Heoi anō, ahakoa e whakawhiti ana ngā ngohe nei i ngā wāhanga ako, kua kōwhiria kia ākina te reo ā-waha i roto i te akomanga – e rua, e rua ko te reo ōpaki me te reo ōkawa. 

Paekupu

Paekupu is a new website that will house all dictionaries that support the implementation of Te Marautanga o Aotearoa. The dictionaries will identify and provide detailed explanations of the technical language used within each learning area of the marau and provide examples of how the terminology can be used within a learning context.

Initially Paekupu will house two sections of the Ngā Toi dictionary currently under development however, it will be continually supplemented with further dictionaries so that Māori medium teachers and students will be able to start accessing specialist curriculum-based language from a single online portal. Toi Ataata (visual arts) and Toi Puoro (music) will go-live first, then Ngā Mahi ā te Rēhia (performing arts) will be added on its completion in June 2017. This will be followed by Te Reo Matatini (literacy) in December 2018. Pūtaiao (science) and Pāngarau (maths) will also be brought into Paekupu at a later date and other similar resources will be added as they are developed. 

Te Ao Kori

Ka mau i tēnei rauemi ngā ariā hei whakamahere i ngā wheako akoako me ngā hua e whakakorotia ana. Kei konei he ataata, whakaahua hoki o ngā kēmu me ngā ngohe pērā i ngā mahi whai, poi, me ngā tākaro ā-ringa. Tirohia te whakaputanga reo Ingarihi o tēnei rauemi e kīia nei ko Exploring Te Ao Kori. Mā tēnei rauemi e whakahau i ngā ākonga ki te tūhura i ngā pūkenga, i ngā mātauranga, i ngā uara, me ngā whaiaro kei roto i te ngā marautanga o mua, arā ko:

• Hauora i roto i te Marautanga o Aotearoa: He Tauira
• Ngā Toi i roto i te Marautanga o Aotearoa.

He Tauaromahi Ngā Toi

Ko te tauaromahi he tauira tūturu o te mahi a te ākonga e whakamārama ana i te ako, te whakatutukitanga me te kounga e hāngai atu ana ki te marautanga taumata 1–4 o te wāhanga ako o mua, arā, ko Ngā Toi i roto i te Marautanga o Aotearoa.

Ngā Manu Rōreka

He tuhinga whakaari tēnei e pā ana ki ngā ākonga tokorua kua takataka ki te hē i te kura. Ka hoki anō ētahi tūpuna tokorua ki te ora hei ārahi i ngā ākonga, engari auare ake. Kātahi ka whakatenatenahia rāua e ngā tūpuna kia uru ki tētahi whakataetae pūmanawa, nā te mea ka whakapono ngā tūpuna mā ngā pūkenga o ngā ākonga e eke panuku ai rāua. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi.

Waiata Kohungahunga 7 (Te pūkete)

He rauemi puoro mā ngā pouako o te whakaakoranga kōhungahunga. Kei roto he aratohu mā ngā pouako kua tuhia ki te reo Ingarihi me te reo Māori, ētahi ngohe, ngā kupu o ngā waiata ki runga i ētahi kāri, me te kōpae puoro. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi.

Kanikani

He pai te kanikani me te korikori tinana. I te wā ka tūtaki tētahi kōtiro ki a Temepara George i tētahi whakangahau kanikani, ka whakaara ake te whakaaro ki roto i a ia me kanikani te whānau katoa. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi.

He Pūtea Whakanakonako 4

He kohinga waiata aroha e ono, e whakaatu ana i ngā āhuatanga o te waiata aroha. He rauemi hei tautoko i tētahi kōpae puoro me te pukapuka mā te pouako e whai whakaaro ana ki te huarahi mō te rangahau. E aro atu ana tēnei rauemi ki ngā ākonga tau 11–13, ā, e hāngai hoki ana ki Te Marautanga o Aotearoa me NCEA. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi.