Hauora
Kei konei ngā whakamārama mō ngā rauemi tuihono, putanga ā-tā hoki hei tautoko i ngā kaiako. E hāngai ana ētahi o ngā rauemi ki te tauaki marautanga o mua, arā, ko te Hauora i roto i te Marautanga o Aotearoa: He tauira. Ka honoa ngā taitara o ngā rauemi tuihono ki ngā paetukutuku whai pānga.
Hei tono i ngā rauemi ā-tā pērā me ngā pukapuka, ngā kōpae whakarongo, me ngā kōpae ataata, haere ki te paetukutuku Down the Back of the Chair.
Ngā rauemi tuihono
He Tauaromahi Hauora
Ko te tauaromahi he tauira tūturu o te mahi a te ākonga e whakamārama ana i te ako, te whakatutukitanga me te kounga e hāngai atu ana ki ngā taumata 1–5 o te wāhanga ako o mua, arā ko Hauora i roto i te Marautanga o Aotearoa: He tauira.
Ngā Kura Auahi Kore
Mā konei e kitea ai ngā kōrero, ngā ariā, me ngā rauemi hei āwhina i ngā kura ki te whakawhanake, ki te whakatairanga hoki i te hapori auahi kore ā-kura.
Te Ao Kori
Ka mau i tēnei rauemi ngā ariā hei whakamahere i ngā wheako akoako me ngā hua e whakakorotia ana. Kei konei he ataata, whakaahua hoki o ngā kēmu me ngā ngohe pērā i ngā mahi whai, poi, me ngā tākaro ā-ringa. Tirohia te whakaputanga reo Ingarihi o tēnei rauemi e kīia nei ko Exploring Te Ao Kori. Mā tēnei rauemi e whakahau i ngā ākonga ki te tūhura i ngā pūkenga, i ngā mātauranga, i ngā uara, me ngā whaiaro kei roto i te ngā marautanga o mua, arā ko:
- Hauora i roto i te Marautanga o Aotearoa: He Tauira
- Ngā Toi i roto i te Marautanga o Aotearoa.
Ngā rauemi ā-tā
Te Pūhuruhurutanga
He pukapuka mā ngā tamariki 9–11 ngā tau te pakeke, arā, rātou kei te whakatata atu ki te pūhuruhurutanga o te tinana. He kohinga kōrero nā te rau tangata nō ngā iwi o te motu hei tauira mō te uri whakatipu, kia kitea ai e ngā tamariki ko tātou katoa te tangata ka eke i tēnei pikinga poutama, arā, te whakawhitinga o te tamaiti ki tōna pakeketanga. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi.
He Pai Noa Iho Te Rerekē: Te pūkete
He pūkete e hāngai ana ki te taumata 4 me te 5 o te marautanga reo me te marautanga hauora. E whā ngā pakimaero, e whā ngā pānui whakaahua, e whā ngā kōpae whakarongo, kotahi te puka aratohu a te pouako. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi.
He Taonga anō te Kai
He kōtiro a Waiora e ngākaunui ana, māharahara hoki ana ki tōna Kōkā, a Kōkā Te Māhoe i te mea, i ētahi wā ka tino ngenge ia. I tētahi rā, ka kite ia i a Kōkā Te Māhoe, kua huri katoa tōna āhua. Whai atu i ngā kōrero i waenganui i ngā tokorua nei mō te hauora me ngā kai tika mō te tinana. Mō ētahi atu kōrero e pā ana ki tēnei rauemi tirohia te paetukutuku He Kohinga Rauemi ā-Ipurangi.
Te Arotahi ki te kai
He rauemi tautoko marautanga mā ngā kaiako hei akiaki i ngā ākonga kia āta whakaarohia mō te kai me ngā pānga ki ā rātou whiringa kai. I takea mai tēnei rauemi i hauora taumata 2 o Te Marautanga o Aoteraroa, ā, e whakahoahoa nei tēnei rauemi hei tautoko i ngā kaiako ki te whakarite mahere kōwae e pā ana ki te kai tōtika.
Whakawhitiwhitinga rauemi kaiako
Mā konei e taea ai e koe te takoha rauemi mō hauora pērā me ngā mahere ako, ngā kowae ako, ngā ngohe, me ngā aromatawai kua waihangaia e koe, te whakamahi hoki i ngā rauemi a kaiako kē mā te akomanga.